Բիշքեկում Ուկրաինայի դեսպան Նիկոլայ Դորոշենկոն հայտարարել է, որ Կիևը չի ընդունում ԱՊՀ-ի նախագահության փոխանցումը Ռուսաստանին, հայտնում է RIA Novosti-ն:
«Հաշվի առնելով, որ ՌԴ-ն խախտել է միջազգային իրավունքի նորմը՝ բռնակցել է Ուկրաինայի տարածքի մասը և նպաստում է Ուկրաինայի արևելքում ռազմական հակամարտությանը, ուկրաինական կողմը չի ընդունում տվյալ նախագահության փոխանցումը: Այդ կետին կկցվի համապատասխան հայտարարություն»,- հայտարարել է նա:
Բացի այդ՝ դեսպանը ավելացրել է, որ Ուկրաինան կմասնակցի 2020 թվականի ԱՊՀ երկրների մարդահամարին այն դեպքում, եթե դրա անցկացման ժամանակ Ռուսաստանը Ղրիմի բնակչությանը դիտարկի որպես Ուկրաինայի քաղաքացիներ:
