Անցած շաբաթ Apple-ը ներկայացրել է նոր iPhone 7 և iPhone 7 Plus սմարթֆոններ՝ iOS 10 հիմքով: Սեպտեմբերի 16-ից սկսվել է առաքումը 28 երկիր՝ ԱՄՆ, եվրոպական մի շարք երկրներ, Չինաստան, Սինգապուր, ԱՄԷ: Այս մասին գրում է RIA Nօvosti-ն:
Ուրբաթ առավոտյան դեռ մինչ Պեկինի կենտրոնական Սանլիտուն շրջանում Apple-ի խանութի բացվելը՝ հատուկ պատնեշներ են տեղադրվել մուտքի մոտ հերթի հատուկ վերահսկողության համար, որով ներս են թողել նրանց, ովքեր սմարթֆոնը ժամանակին պատվիրել են համացանցով: Խանութի բացվելուց մոտ մեկ ժամ առաջ հերթը բավական համեստ է եղել, սակայն առավոտյան 10-ի մոտ մարդկանց թիվը զգալիորեն մեծացել է: Երբ անվտանգության ծառայությունը բացել է դռները, բազմությունը մտել է շենք ու ուղղվել դեպի սեղանները, որտեղ դված են եղել նոր iPhone 7-երը:
Խանութի աշխատակիցը RIA Nօvosti-ին հայտնել է, որ նոր հեռախոսն առայժմ հնարավոր չէ ձեռք բերել առանց նախնական պատվերի: Պեկինի ժամանակով ժամը 10:15-ի դրությամբ (Երևանի ժամանակով՝ 06.15-ին) հնարավոր չէր պատվիրել արդեն նաև համացանցի միջոցով: Խանութն առաջարկում է նորից փորձել շաբաթ օրը՝ առավոտյան ժամը 8-ից հետո:
