Լեհաստանի հյուսիսում՝ Մերձկարպատյան շրջանում, երեկ երեկոյան այրել են փոքրիկ գյուղը՝ ի հիշատակ Վոլինյան ջարդի զոհվածների. Երկրորդ աշխարհամարտի ժամանակ Ուկրաինայում զանգվածաբար ոչնչացրել են լեհերին: Այս մասին հաղորդում է ITAR-TASS-ը:
Այդ ողբերգության 70-ամյա տարելիցին նվիրված բեմականացմանը մասնակցել է 200 մարդ: Մոխրի են վերածվել մի քանի փայտե տներ, որոնք հատուկ կառուցվել էին այդ տեսարանի համար:
Լուսային, երաժշտական և տարբեր էֆեկտների շնորհիվ այս նախագծի հեղինակներին հաջողվել է խուսափել դաժան բռնության տեսարաններից: Ներկայացման ժամանակ ցուցադրվել է լեհական գյուղի կյանքը և դրա վրա հարձակումը, որից հետո ծուխը ծածկել է բեմը:
Ներկայացմանը դեմ է հանդես եկել Լեհաստանում ուկրաինացիների միությունը: Միության ղեկավար Պյոտր Տիման հատուկ հայտարարության մեջ գրել է. «Դա բացասական հույզեր է բորբոքում լեհ հասարակության մեջ և շահարկում ուկրաինացիների ու լեհերի, ինչպես նաև այլ ժողովուրդների ներկայացուցիչների ողբերգությունը»:
Իսկ լեհ պատմաբանները և սոցիոլոգները կարծում են, որ դա լավ մտահղացում է:
