Ամերիկյան Walt Disney ընկերությունը հայտարարել է նոր կրճատումների մասին ֆինանսական թույլ ցուցանիշների ֆոնին՝ գրում է The New York Times-ը:
Պարբերականի տեղեկությամբ՝ հեռացումները վերաբերել են թվային մեդիայի և սպառողական ապրանքների բաժնին, որի շահույթը ընթացիկ տարվա երրորդ եռամսյակում 7%-ով պակաս է եղել նախորդ տարվա ցուցանիշներից: Աշխատանքից կզրկվի այդ ստորաբաժանման աշխատակիցների 5%-ը, այսինքն՝ մոտ 250 մարդ:
Թերթը նշում է, որ 2016թ. մայիսին ընկերությունն արդեն հեռացրել է ավելի քան 300 մարդու տեսախաղերի մշակման բաժնից:
