«Ես այն կարծիքին չեմ, որ նախորդ վարչապետը Մոսկվայի մարդը չէր: Նախորդ վարչապետի և կառավարության օրոք Հայաստանը սահուն կերպով մտավ ԵՏՄ»,- այս մասին Առաջին լրատվականի հետ զրույցում ասաց ՄԱՀՀԻ-ի ղեկավար, քաղաքագետ Ստյոպա Սաֆարյանը: – Այժմ այլ բան է, որ Մոսկվան Կարեն Կարապետյանին նշանակել է այլ խնդիրներ լուծելու համար, այն դեպքում երբ 2013-ին Մոսկվայի հիմնական մտահոգությունն այն էր, որ Երևանում տեղի չունենա հայկական «մայդանը», և կառավարությունը, որը վայելում էր 3-4 քաղաքական ուժերի աջակցություն՝ նկատի ունեմ քառյակին, կանխի Ազատության հրապարակում հօգուտ եվրաասոցացման որևէ դրսևորում»:
Քաղաքագետի դիտարկմամբ՝ Մոսկվայի խնդիրը Հովիկ Աբրահամյանի ժամանակ եղել է թույլ չտալը, որ հասարակության մեջ որոշակի ուժեր գործընթաց սկսեն եվրաասոցացմանն աջակցելու նպատակով: «Մոսկվայի պլանը 2013-ին չի եղել Հայաստանի տնտեսությունը զարգացնելը, Հովիկ Աբրահամյանը այդպիսի «մասշատբներ» երբեք չի ունեցել Հայաստանի տնտեսական կյանքում լուրջ բեկումներ ապահովելու առումով»:
Ս. Սաֆարյանի կարծիքով՝ Մոսկվայի խնդիրներն են փոխվել. «Այժմ Մոսկվայի խնդիրը հետևյալն է՝ մեղմել հակառուսական տրամադրությունները, որոնք Հայաստանում հանուն արդարության առաջացել են Կրեմլի վարած քաղաքակնության արդյունքում:
Մոսկվայի կողմից Կարեն Կարապետյանի նշանակումը հետապնդել է մեկ նպատակ, որ, ըստ էության, Հայաստանում մի փոքր բարելավվի ռուսական քաղաքականության իմիջը»:
Իսկ Սերժ Սարգսյանի համար Կարեն Կարապետյանի նշանակումը, ըստ քաղաքագետի, Հովիկ Աբրահամյանի կառավարությունից ազատվելու միջոց էր:
Մանրամասները՝ տեսանյութում:
