Թուրքիան մեծացնում է ռազմական ներկայությունը Սիրիայի հետ սահմանի երկայնքով՝ սիրիական ընդդիմության և սիրիացի քուրդ գրոհայինների միջև փոխհրաձգության հետևանքով խաղաղ բնակիչների զոհվելուց հետո: Այս մասին հաղորդում է Hurriyet-ը:
Սիրիական ազատ բանակի գրոհայինների և Քրդական աշխատավորական կուսակցության սիրիական թևի գրոհայինների միջև փոխհրաձգության հետևանքով, որը սկսվել է երեքշաբի սիրիական Ռաս Ալ-Այն քաղաքում՝ թուրքական սահմանի մոտ, Ջեյլանփընար քաղաքում զոհվել է երկու խաղաղ բնակիչ: Ի պատասխան՝ թուրք սահմանապահները կրակ են բացել սիրիական տարածքի ուղղությամբ, որտեղից արձակվել են արկեր:
Ուրբաթ հայտնի է դարձել, որ Դիարբեքիր մարզի ռազմական բազաներից F-16 թուրքական ինքնաթիռներ և անօդաչու թռչող սարքեր են ուղարկվել թուրք-սիրիական սահման՝ պարեկություն կատարելու: Թուրքիայի Զինված ուժերի գլխավոր շտաբը սահմանի մոտ է ուղարկել նաև զինվորներ և տանկեր:
