Այս շաբաթ Մեծ Բրիտանիայի և Հյուսիսային Իռլանդիայի զգալի մասում սաստիկ շոգը դարձել է 760 մարդու մահվան պատճառ, հաղորդում է BBC-ն:
Լոնդոնի հիգիենայի դպրոցի աշխատակիցների հաշվարկների համաձայն՝ ինն օր առաջ երկրում սկսված շոգի հետևանքով միայն Անգլիայում մահացել է մինչև 700 մարդ:
Վերջին վեց օրերի ընթացքում օդի ջերմաստիճանը Լոնդոնում 30 աստիճան է ըստ Ցելսիուսի: Բրիտանացիները, որոնք վերջին տարիներին սովոր են ցուրտ և անձրևային ամառային սեզոնին, շատ դժվարությամբ են ընտելանում բարձր ջերմաստիճանին: Դրա հետ մեկտեղ նրանցից շատերն անհրաժեշտ միջոցներ չեն ձեռնարկում շոգից պաշտպանվելու համար, ինչը բացասաբար է ազդում նրանց առողջության վրա՝ մատնանշում են գիտնականները:
