Ունիվերսիադան մրցույթ է, որը գրավում է ողջ աշխարհի ատլետ ուսանողներին ուժի, ճկունության ու դիմացկունության ստուգման նպատակով՝ գրում է The New York Times-ը: Սակայն, ինչպես կարծում է թերթը, ներկայիս ռուսական տարբերակում օտարերկրացի մարզիկները եկել էին նոր մրցույթների, որոնց էությունը կայանում էր նրանում, որ հաղթողները լինեին տան տերերը:
Ինչպես ավելի վաղ հաղորդվել էր՝ Ռուսաստանի հավաքականը հաղթանակ է տարել մեդալների թվաքանակով՝ նվաճելով 291 մեդալ,որից 155-ը՝ ոսկե, 74-ը՝ արծաթե, 62-ը՝ բրոնզե:
Երկրների մեծ մասը ունիվերսիադան ընկալում են որպես բարի կամքի դրսևորում սիրողական մարզիկների համար, սակայն ոչ՝ ռուսների դեպքում: Նրանք աստղային թիմ են հավաքել՝ ասվում է հոդվածում: Պարբերականը նշում է, որ Ռուսաստանի հավաքականում եղել են իրական Օլիմպիադայի 18 ոսկե մեդալակիրներ, որոնք «ֆիկտիվ» սովորում են համալսարանում:
Թերթը հիշեցնում է, որ ռուսական թիմին հաջողվել է գերազանցել Չինաստանի հավաքականի ռեկորդը, որը սահմանվել էր հենց Չինաստանում (75 ոսկե մեդալ):
Հոդվածում ասվում է, որ Ռուսաստանը ընկալել է ուսանողական խաղերը որպես «տաքացում» Սոչիում անցկացվելիք ձմեռային Օլիմպիադայից առաջ, որտեղ Կրեմլը երազում է մեդալների թվաքանակով ցուցադրել մարզական հեղինակության վերածնունդը: