Ուզբեկստանի պետական հեռուստաալիքները սեպտեմբերի 2-ին վերանայել են հեռարձակման ցանցը: Այս մասին հայտնում է gazeta.uz-ը:
Եթերներից հանվել են գովազդը, հեռուստասերիալները և որոշ գեղարվեստական ֆիլմեր, նաև ժամանցային բնույթի ծրագրերը: Դրանց փոխարեն հեռարձակվում են հաղորդումներ երկրի պատմության և մշակույթի, տարբեր ոլորտներում երկրի ձեռքբերումների և անկախության տարիներին կերպարանափոխման մասին:
Որպես կանոն, հեռուստաալիքների աշխատանքում այդպիսի փոփոխություններ կատարվում են այնպիսի դեպքերում, ինչպիսիք են ահաբեկչությունները կամ քաղաքական-հասարակական, մշակութային գործիչների մահը:
Սեպտեմբերի 2-ին ավելի վաղ Reuters-ը, հղում անելով 3 դիվանագիտական աղբյուրների, հայտնեց, որ Ուզբեկստանի նախագահ Իսլամ Քարիմովը մահացել է:
Նախարարների կաբինետի կայքում տեղադրված տեղեկության համաձայն՝ Քարիմովի վիճակը գնահատվում է ծայրահեղ:
