Թուրքական NTV հեռուստաալիքի փոխանցմամբ՝ Թուրքիայի արդարադատության նախարար Բեքիր Բոզդաղը հայտարարել է, որ Թուրքիայի իշխանությունները բանտերից վաղաժամկետ ազատ են արձակել 33.838 մարդու:
«Մենք արտակարգ դրության մասին օրենքի շրջանակներում ազատ ենք արձակել 33.838 մարդու: Նրանց մի մասին մնացել էր մեկ տարուց էլ պակաս ժամանակ՝ ազատության մեջ հայտնվելու համար:
Ազատ են արձակվել նաև այն բանտարկյալները, որոնք դեռ բանտում պետք է մնային առնվազն երկու տարի՝ պայմանով, որ իրենց լավ դրսևորեն ազատության մեջ»:
Ավելի վաղ Բոզդաղը հայտարարել էր, որ իշխանությունները բանտերից ազատ կարձակեն մոտ 38.000 բանտարկյալի, ինչն իրականացվելու է երկրի ուղղիչ հիմնարկները բեռնաթափելու շրջանակներում:
Ազատ արձակված բանտարկյալները գտնվելու են հսկողության ներքո: Բոզդաղն ընդգծել էր որ դա համաներում չէ և պարզապես միտված է բանտերը թեթևացնելուն՝ կապված ռազմական հեղաշրջման փորձից հետո մեծ թվով մարդկանց կալանավորվելու հետ:
