Ռուսական RIA Novosti լրատվական գործակալության փոխանցմամբ՝ ՌԴ ԱԳՆ-ի՝ նոր մարտահրավերների ու սպառնալիքների հարցերով դեպարտամենտի տնօրեն Իլյա Ռոգաչովը հայտարարել է, որ Ռուսաստանը վերսկսելու և զարգացնելու է Թուրքիայի հետ ահաբեկչության դեմ պայքարի վերաբերյալ երկխոսությունը:
«Սակայն ամեն դեպքում մենք ունենք նրան ուղղված բազում հարցեր: Անհրաժեշտ է խոսել, այդ թվում նաև ներկայիս հանգամանքներում և առաջին հերթին դիվանագիտական գծով:
Կասկած չկա, որ մենք ունենք մի շարք ակնկալիքներ ու հույսեր, որ ամենամոտ ժամանակներս փորձելու ենք վերսկսել այդ երկխոսությունը: Հուսով ենք, որ համապատասխան վերաբերմունք կցուցաբերի նաև թուրքական կողմը»,- ասել է նա:
Ռոգաչովն ընդգծել է, որ սիրիական ընդդիմության ու «Ջաբհաթ ալ-Նուսրա» ահաբեկչական խմբավորման «սնուցումը» շարունակվում է թուրք-սիրիական սահմանով:
