Չեխիայի հակահետախուզությունը պնդում է, որ Ռուսաստանի և Չինաստանի հետախույզները երկրում ակտիվություն են հանդես բերում: Խոսքը գնում է ԶԼՄ-ների և տնտեսության վրա ազդելուն, հայտնում է Novinky կայքը՝ հղում անելով տեղեկատվության և անվտանգության չեխական ծառայության 2015 թվականի համար ամենամյա զեկույցին:
«Ներկայացուցիչները (այդ երկրների) ամենից առաջ դիվանագիտական քողարկման տակ մշտապես ձգտում են ազդել տնտեսության վրա: Դրա հետ մեկտեղ Ռուսաստանը՝ համաձայն հակահետախուզության տվյալների, վարում է տեղեկատվական պատերազմ, որը վերաբերվում է Ղրիմի և Սիրիայի հակամարտություններին»,- ասված է հաղորդագրության մեջ:
Հակահետախուզության հայտարարության համաձայն՝ ռուսական հատուկ ծառայությունները հաճախ իրենց գործունեության մեջ օգտագործում են տեղի քաղաքացիներին, այդ թվում այն բանի համար, որ մուտք ստանան չեխական և եվրոպական դոտացիաներին: Նաև հաստատվում է, որ տեղեկատվական պատերազմի շրջանակներում ռուսների նպատակն է թափանցել տեղական ԶԼՄ-ներ, որպեսզի ազդեն չեխական հանրության վրա: «ՌԴ հատուկ ծառայությունները վարում են քաղաքական, գիտա-տեխնիկական և տնտեսական հետախուզություն»,- ասված է զեկույցում:
