Բրիտանական Reuters լրատվական գործակալության փոխանցմամբ՝ ԱՄՆ-ն ու բանակցությունների հարցերով նրա գործընկերները գաղտնի պայմանավորվել են թույլ տալ Իրանին շրջանցել մի շարք սահմանափակումներ միջուկային գործարք կնքելիս, որպեսզի կարողանան տեղավորվել ժամկետում և սկսեն Թեհրանի վրայից հանել պատժամիջոցները: Այս մասին նշված է գործակալության տրամադրության տակ հայտնված զեկույցում:
Զեկույցն այսօր հրապարակվելու է վաշինգտոնյան Միջազգային անվտանգության ու գիտության ինստիտուտի (Institute for Science and International Security) կողմից: Այս մասին հայտարարել է ինստիտուտի տնօրեն և փաստաթղթի հեղինակներից Դևիդ Օլբրայթը:
Զեկույցը հենված է մի շարք երկրների կառավարությունների ներկայացուցիչների տրամադրած տեղեկատվության վրա, որոնք մասնակցել են բանակցություններին:
Լրատվամիջոցը հայտնել է, թե չի կարող պարզել զեկույցում տեղ գտած տվյալների հավաստիությունը:
