ՌԴ դեսպանատան դիմաց ժամեր առաջ հավաքված հաջակցություն Հրաչյա Հարությունյանի ակցիայի մասնակիցներին քիչ առաջ միացավ նաև Նիկոլ Աղբալյան երիտասարդական կազմակերպությունը: Նրանք իրենց հետ բերել էին մի հին խալաթ, որի վրա գրված է՝ «вот вам халат, надейте сами»:
Երիտասարդական թևը իր հետ բերել է նամակ անձամբ դեսպանին փոխանցելու համար: Նրանք պահանջում են իրենց բերած խալաթը փոխանցել դեսպանին, որպեսզի նա դրանով հեռանա Հայաստանից: Դեսպանատնից ոչ ոք, իհարկե, չեկավ այն վերցնելու, քանի որ նամակ ընդունողի աշխատանքային ժամն ավարտվել էր 17.00-ին: Փոխարենը երիտասարդական թևի ներկայացուցիչ Գերասիմ Վարդանյանը նամակը գցեց փոստարկղը, իսկ խալաթը կախեցին ծառից: Ոստիկանները միջամտեցին՝ պնդելով, որ խալաթը պետք է կախվի դեսպանատնից հեռու, սակայն ակցիայի մասնակիցները անցան փողոցը և այն կախեցին դիմացի մայթի վահանակից, որի վրա պատկերված է Մոսկվան: Նշենք, որ այստեղ են նաև Հրաչյա Հարությունյանի քույրը, եղբայրը, հայրը, դուստրը և կինը:
