Բրիտանական Reuters լրատվական գործակալության փոխանցմամբ՝ ԱՄՆ նախագահ Բարաք Օբաման սեպտեմբերի 4-ին իր թուրք գործընկեր Ռեջեփ Էրդողանի հետ հանդիպման ժամանակ կդատապարտի Թուրքիայի առաջխաղացումը դեպի Սիրիայի հարավ ու գործողությունները՝ ուղղված սիրիական ժողովրդավարական ուժերի դեմ, որոնց աջակցում է ԱՄՆ-ն։
Այդ մասին լրագրողների հետ կանոնավոր ճեպազրույցի ժամանակ հայտարարել է ԱՄՆ նախագահի խորհրդական Բեն Ռհոդսը. «Մենք չենք աջակցում Թուրքիայի կողմից դեպի հարավ շարժին և սիրիական ժողովրդավարական ուժերի դեմ ակտիվությանը, որոնց աջակցում է ԱՄՆ-ն»։
Ավելի բաղ հաղորդվել էր, որ սիրիական ընդդիմության «Ջարաբլուսի ռազմական խորհուրդ» խմբավորումը հայտարարել էր, որ Ջարաբլուսից հարավ գտնվող իր դիրքերը ենթարկվել են Թուրքիայի ռազմաօդային ուժերի հարձակմանը։
