Չեխիայի նախագահ Միլոշ Զեմանը վստահ է, որ ԵՄ-ում անօրինական ներգաղթյալների հոսքը դադարեցնել կարելի է և պետք է ԵՄ սահմանների փակմամբ։ Նա իր դիրքորոշումն է հայտնել Գերմանիայի կանցլեր Անգելա Մերկելին, որը հինգշաբթի մեկօրյա այց էր կատարել հանրապետություն։ Այս մասին պետության ղեկավարը հայտնել է «Չաստոտա-1» ռադիոկայանի հետ հարցազրույցում։
Միլոշ Զեմանը նաև կողմ է արտահայտվել ԵՄ միասնական բանակի շուտափույթ ստեղծմանը։ Այն կապահովի արտաքին սահմանների պաշտպանություն և միջազգային ահաբեկչության դեմ պայքարի հանձնարարության իրականացում, որոնք, նախագահի խոսքով՝ ԵՄ-ն պետք է լուծի այլ պետությունների հետ «ակտիվ կոալիցիայի կազմում»։ Նա հիշեցրել է, որ այժմ գլխավոր վտանգ է ԴԱԻՇ-ը։ «ԴԱԻՇ-ից եկող սպառնալիքների դեմ մենք պետք է պայքարենք անմիջապես և հիմա»,- ընդգծել է նախագահը։
