««Սասնա ծռեր» խմբի տղաների զգալի մասը Արցախյան գոյամարտի հերոսներ են, և նրանք մտածում են, որ իրենց գործադրած ջանքերը, իրենց ընկերների թափած արյունը անտեղի չկորչի, երկիրն ունենա զարգացման ճիշտ ճանապարհ: Գուցե ընտրված պայքարի մեթոդները ընդունելի չէին, քանի որ մեզ պետք չէ արյուն, զենք, բայց գաղափարը, նպատակները, հարցադրումները հիմնականում առողջ էին՝ պահպանել տարածքային ամբողջականությունը, այդ թվում՝ նաև Արցախի, վերացնել թերություններ, որ կան մեր երկրում, ազատ արձակել քաղբանտարկյալներին. այս ամենը համարում եմ դրական լիցք պարունակող»,- այս մասին «Առաջին լրատվական»- ի հետ զրույցում ասաց ՀՀ ԳԱ ակադեմիկոս հասարակական գիտությունների բաժանմունքի ակադեմիկոս-քարտուղար Յուրի Սուվարյանը:
Յ. Սուվարյանը վստահ է, որ իշխանություններն ամեն ինչ կանեն, որ նկատված բացերը վերանան. «Չէ որ իշխանության մի մասն էլ Արցախյան հերոսամարտի հերոսներ են, ինչո՞ւ չպետք է ուզենան, որ տարածքային ամբողջականությունը պահպանվի, և երկիրը զարգանա վերընթաց ուղիով:
Յուրի Սուվարյանը լավատեսորեն է տրամադրված, նրա կարծիքով՝ 21-րդ դարը հայ ժողովրդի դարն է. «Միայն թե պետք է խելացիորեն գործենք»:
Մանրամասները՝ տեսանյութում:
