Ամառվա ընթացքում Երևանի որոշ դպրոցներում, որտեղ որպես փոխտնօրեն աշխատում են նախկին տնօրենները, քաղաքապետարանն առաջարկել է աշխատանքից ազատվելու դիմում գրել: Թեմայի շուրջ «Առաջին լրատվական»- ը զրուցեց Երաևնի ավագանու «Բարև» խմբակցության անդամ Անահիտ Վախշյանի հետ:
«Այս երևույթը չի տարածվել միայն այն դպրոցների նախկին տնօրենների վրա, որտեղ տնօրեն մայրերն անցան թոշակի ու դուստրերը ընտրվեցին տնօրեններ, օրինակ՝ Պուշկին, Նիկոլ Աղբալյան, թ.89, թ.121, տեղեր կան, որ ասում են՝ հարսն է փոխարինել սկեսրոջը:
Տնօրենի ընտրության կարգը չի արգելել մայր-դուստր՝ տնօրեն-փոխտնօրեն տեղափոխություններն ու փոխանակ այս երևույթները կանխել տնօրենի ընտրության կարգը փոխելով, քաղաքապետարանը առաջարկել է գրել ազատվելու մասին դիմումներ՝ այս ճանապարհով ուղղակի միջամտելով դպրոցի ինքնավարությանը: Նրանք գրել են դիմում, բայց դժգոհ են:
Ազատված փոխտնօրենների հետ կնքված աշխատանքային պայմանագրերում նախատեսված է ազատման սույն հիմքը՝ 65 տարին լրանալու դեպքում գործատուն իրավունք ունի լուծելու անորոշ ժամկետով կնքված պայմանագիրը: Սակայն որպես փոխտնօրեններ՝ նախկին տնօրենների հետ աշխատանքային պայմանագրերը կնքել են 65-ը լրանալուց հետո»:
Անահիտ Բախշյանի կարծիքով՝ դպրոցի տնօրենը պետք է որոշի ինչպես վարվել, ոչ թե քաղաքապետարանը, «թաց ու չոր խառնել են իրար, այս մարդկանց նվաստացրել են, նրանցից շատերը լի են էներգիայով, կուտակած մեծ փորձ ունեն:
Այս գործողության արդյունքում իր աշխատանքի իրավունքի ոտնահարումը վերականգնելու փորձ է անում թիվ 86 դպրոցի նախկին տնօրեն Անահիտ Շառոյանը: Մեզ հետ զրույցում Անահիտ Շառոյանը նշեց, որ ինքը դիմում չի գրել, իրեն տնօրենն է ազատել աշխատանքից: «Ո՞ւմ են պետք իմ ստացած պատվոգրերն ու մեդալները, եթե դրանք գրոշի արժեք չեն ունենալու»,- դժգոհեց Ա. Շառոյանը:
Մանրամասները՝ տեսանյութում: