Գերմանիայի բնակիչների կեսը դեմ են, որ Անգելա Մերկելը չորրորդ անգամ վերընտրվի կանցլերի պաշտոնում: Այդ մասին են վկայում բնակչության շրջանում անցկացրած նոր հարցման արդյունքները, գրում է Bild am Sonntag-ը:
Հարցման համաձայն՝ բնակչության 42%-ն է աջակցում Մերկելին, նոյեմբեր ամսին նրա աջակիցների թիվը 45% էր:
Հարցումը անց է կացվել օգոստոսի 25-ին: Հարցմանը մասնակցել է 501 մարդ: Հարցը հնչել է այս ձևակերպմամբ. «Ցանկանո՞ւմ եք, որ Անգելա Մերկելը 2017թ. ընտրություններից հետո զբաղեցնի ԳԴՀ կանցլերի պաշտոնը»:
Սպասվում է, որ 2016թ. դեկտեմբերին Մերկելը կհայտարարի գալիք ընտրություններում իր թեկնածությունը առաջադրելու վերաբերյալ դիրքորոշման մասին:
