ԱՄՆ նախագահ Բարաք Օբաման կոչ է արել ամերիկացիներին հանգստություն պահպանել և դադարեցնել բողոքի ակցիաներն ընդդեմ հասարակական պարեկ Ցիմերմանին արդարացնող վճռի: Այս մասին հայտնում է Reuters գործակալությունը:
«Տրեյվոն Մարտինի մահը ողբերգություն էր, սակայն ազգը պետք է առաջ շարժվի և ուղիներ որոնի՝ բռնությանը վերջ տալու համար»,- ասել է Օբաման,- «Մենք օրենքի ազգ ենք, իսկ դատարանն իր որոշումը կայացրել է»:
ԱՄՆ մի շարք քաղաքներում աֆրոամերիկացիները բողոքի ցույցեր են անցկացնում ընդդեմ 17-ամյա դեռահաս Տրեյվոն Մարտինին սպանած Ցիմերմանի արդարացման: Սպանությունը, որը տեղի էր ունեցել 2012-ի փետրվարին, կատարվել էր այն պատճառով, որ դեռահասը հասարակական պարեկին կասկածելի էր թվացել:
