ԱՄՆ փոխնախագահ Ջո Բայդենը քննադատել է մի շարք եվրոպական երկրների համաձայնությունը «Հյուսիսային հոսք 2» գազատարի ստեղծման հարցում։ Ստոկհոլմ իր այցի ընթացքում Բայդենը գազատարի նախագիծն անվանել է «վատ գործարք» ողջ Եվրոպայի համար՝ փոխանցում է Reuters գործակալությունը։
Svenska Dagbladet շվեդական պարբերականը նշում է, որ ամերիկյան կողմի կարծիքով՝ գազատարը կարևոր է Ռուսաստանի համար՝ սեպ խրելու եվրոպական երկրների միջև, որոնք ռուսական գազի մատակարարումների կարիք ունեն, ինչպես նաև հնարավորություն է՝ Ուկրաինային զրկելու գազի տարանցումից ստացվող ապագա եկամուտներից։
Ավելի վաղ հաղորդվել էր, որ Ուկրաինան պահանջում է իր հետ համաձայնեցնել «Հյուսիսային հոսք-2»-ը։
