Կամավորները և քաղցկեղով հիվանդ երեխաները հինգ հազար փոքրիկ կեքսերից կազմել են Նելսոն Մանդելայի դիմանկարը՝ այդպիսով աջակցելով Հարավաֆրիկյան Հանրապետության նախկին նախագահին իր ծննդյան նախօրեին, կիրակի օրը փոխանցել է հարավաֆրիկյան eNCA հեռուստաալիքը:
Հուլիսի տասնութին Մանդելան 95 տարեկան կդառնա: Cupcakes 4 Kids with Cancer հիմնադրամի կամավորները և Նելսոն Մանդելայի անվան մանկական օնկոլոգիական հիվանդանոցի երեխաները թխվածքաբլիթներից դիմանկարը պատրաստել են ի պատիվ այն 67 տարիների, որոնք Մանդելան նվիրել է խաղաղությանը և մարդասիրությանը: Տեղեկացվում է, որ քաղցրավենիքի վաճառքից գոյացած ամբողջ գումարը կտրամադրվի հիվանդանոցի հիմնադրամին:
