Թուրքական Son dakika լրատվական կայքի փոխանցմամբ՝ ԱՄՆ փոխնախագահ Ջոզեֆ Բայդենն Անկարայում Թուրքիայի նախագահ Ռեջեփ Էրդողանի հետ համատեղ մամլո ասուլիսի ժամանակ հայտարարել է, որ ԱՄՆ-ն աջակցում է Սիրիայի հյուսիսում Թուրքիայի ձեռնարկած ռազմական գործողությանը։
Բայդենի խոսքերով՝ թուրք-սիրական սահմանը պետք է մաքրվի ահաբեկիչներից. «Մենք աջակցում ենք թուրքական բանակի գործողությանը։
Սիրիայի տարածքային ամբողջականությունը չպետք է խախտվի՝ անկախ նրանից, թե որ խումբն է նվաճումներ իրականացնում տարածաշրջանում։ Մենք այսուհետ նույնպես աշխատելու ենք Թուրքիայի հետ համատեղ։ Մենք ցանկանում ենք այնտեղից ահաբեկչական խմբերի դուրս բերում»։
Էրդողանն իր հերթին քննադատել է ԴԱԻՇ-ին՝ հիշեցնելով, որ նա 12-13 տարեկան երեխաներին դարձնում է մահապարտ ահաբեկիչներ, որոնք պայթեցումներ են իրականացնում ժողովրդի շրջանում։
Էրդողանի խոսքերով՝ Թուրքիան ու սիրիական չափավոր ընդդիմությունը համատեղ ԴԱԻՇ-ից ազատագրել են Ջերաբլուսը։
