Բրազիլական Կարատինգա քաղաքի բնակիչն արտասովոր մահով է մահացել: Կովն ընկել է նրա տան վրա և ճզմել իր անկողնում խաղաղ քնած մարդուն՝ հաղորդում են լատինամերիկյան լրատվամիջոցները:
Ըստ նախնական տվյալների՝ կովը արածել է բրազիլացու տան վերևում գտնվող փոքրիկ բլրի վրա և անհասկանալի պատճառով ընկել է այնտեղից: Տան կտուրը պատրաստված է եղել ասբեստից և չի դիմացել մի քանի հարյուր կիլոգրամ կշռող մարմնի հարվածին:
Ընկնելով՝ կովը ճզմել է տանտիրոջը, ով ներքին արյունահոսությունից մահացել է: Հարազատները համարում են, որ նրան հնարավոր կլիներ փրկել, եթե բժիշկները դեպքի վայր ավելի արագ ժամանեին:
Բրազիլացու կողքին պառկած կինը չի տուժել: Հաղորդվում է նաև, որ կովն ընկելու հետևանքով վնասվածքներ չի ստացել և շարունակում է արածել սպանված մարդու տան հարևանությամբ:
