Հետազոտողները մշակել են մանկան լացի ակուստիկ «վերլուծիչ», որի շնորհիվ հնարավոր կլինի վաղօրոք պարզել երեխայի նյարդային շեղումները կամ նրա զարգացման հետ կապված այլ խնդիրներ: Այս մասին հաղորդում է Journal of Speech, Language and Hearing Research-ը:
Մանկան լացի ակուստիկ պատկերը շատ բարդ է: Այն շատ ձայնային բնութագրիչներ ունի, որը մարդկային լսողությունը չի կարող տարբերակել: Դրանք, սակայն, երեխայի առողջական վիճակի մասին կարևոր տեղեկություն են: Իսկ ահա «նորաստեղծ վերլուծիչը» շատ զգայուն է և կարող է դրանք տարբերակել:
Նախ՝ ձայնագրված լացի ձայնը բաժանվում է 12.5 միլիվայրկյան տևող բլոկների, և յուրքանչյուր բլոկ վերլուծվում է մի քանի չափանիշներով: Այնուհետև ստացված տվյալների միջոցով համակարգիչը որոշում է ինտոնացիոն բնութագրիչները, հաճախականությունը և դիապազոնը՝ լացի յուրաքանչյուր ձայնային ֆրագմենտի համար:
Վերջում համակարգը ստացված արդյունքները համեմատում է 80 տարբեր ակուստիկ պարամետրերի հետ, որոնք հատուկ են երեխայի լացին ՝առողջության խախտման այս կամ այն դեպքում: