Ամերիկացի երգչուհի և դերասանուհի Ջենիֆեր Լոպեսը մոտ 10 մլն դոլար է աշխատել՝ ելույթ ունենալով նախկին ԽՍՀՄ տարածքում բռնապետների առջև՝ գրում է The Hollywood Reporter-ը: Պարբերականը հղում է անում Նյու Յորքում տեղակայված Human Rights Foundation իրավապաշտպան կազմակերպության զեկույցին:
Փաստաթղթում մասնավորապես հիշատակվում է Լոպեսի՝ վերջերս կայացած ելույթը Թուրքմենստանում, որի համար նա ստիպված է եղել ներողություն խնդրել: Երգչուհու ներկայացուցիչը հայտարարել էր, որ նա տեղյակ չի եղել այդ երկրում մարդու իրավունքների հետ կապված խնդրին:
«Խոսքը ոչ թե անտեղյակության, այլ ընչաքաղցության մասին է»,- եզրակացություն է անում Human Rights Foundation-ի նախագահ Թոր Հալվորսենը: