Փարիզի արվարձանում հուլիսի 12-ին վթարված ուղևորատար գնացքի մեքենավարը մինչ կայարան մտնելը նկատել է անսարքություններ և հասցրել է միջոցներ ձեռնարկել: Նրա գործողությունները թույլ են տվել կասեցնել գնացքի բախումն առջևից ընթացող էլեկտրագնացքի հետ: Այս մասին հայտնում էVesti-ն:
Ֆրանսիացի երկաթուղայինների խոսքերով՝ կայարանի բոլոր աշխատողների համաձայնեցված գործողությունների շնորհիվ հնարավոր է եղել ավելի մեծ աղետի կանխումը:
Ֆրանսիայի տրանսպորտի նախարարի փոխանցմամբ՝ անսարքության պատճառը դեռևս պարզված չէ: Գնացքն ընթացել է նորմալ՝ 137 կմ արագությամբ՝ 150 կմ/ժամ առավելագույն թույլատրելի արագության դեպքում: Զոհվել է 6, տուժել ավելի քան 200 մարդ, որոնցից 30-ի վնասվածքները ծանր են:
Ուրբաթ երեկոյան դեպքի վայր է ժամանել Ֆրանսիայի նախագահը: Նա զրուցել է մասնագետների հետ: Երեք անկախ հետաքննություններ են սկսվել, որոնք անցկացնում են Տրանսպորտի նախարարությունը, Երկաթուղային ազգային հասարակությունն ու դատական քննիչները:
