ԱՄՆ Հանրապետական կուսակցությունից նախագահի պաշտոնին հավակնող Դոնալդ Թրամփի նախընտրական շտաբում համակարգչային համակարգը ենթարկվել է ցանցահենային հարձակման։ Այս մասին հայտնում է Reuters գործակալությունը՝ հղում անելով իրավիճակին ծանոթ աղբյուրներին։
Նշվում է, որ կոտրման փորձեր են կատարվել նաև կուսակցության հետ կապված այլ կազմակերպությունների համակարգիչների նկատմամբ։ Աղբյուրը հայտնել է, որ Թրամփի շտաբը դիմել է CrowdStrike ընկերությանը, որը նաև օգնում է Դեմոկրատական կուսակցության կոմիտեին։
Բացի դրանից՝ վարձվել է նաև կողմնակի ընկերություն՝ ծրագրերի ստուգման համար, որը Թրամփի և դեմոկրատ Հիլարի Քլինթոնի շտաբները կիրառում են էլեկտրոնային նամակներն ուղարկելու համար։
