Քաղծառայության խորհրդի նախագահ Մանվել Բադալյանն այսօր լրագրողների հետ զրույցում վստահեցրեց, որ կառավարությունում ընթացող հաստիքների կրճատման գործընթացը շարունակվում է և որևէ փոփոխություն այդ որոշման մեջ չի եղել:
Կառավարության այսօրվա նիստից հետո Մանվել Բադալյանը նշեց, որ հաստիքների կրճատումն ինքնանպատակ չպետք է լինի: «Հոնքը սարքելու տեղը չպետք է աչքը հանել, ինքնապատակ չպետք է լինի: Դրա համար դնել և մի օր որոշել այսքան տոկոս կամ այսքան հաստիք կրճատել՝ ճիշտ չի: Մենք քաղծառայության մասով պետք է ուշադիր և նրաբանկատ լինենք, որովհետև դա պետական կառավարման համակարգ է և պետք է զգույշ լինել»,- ասաց Մանվել Բադալյանը:
Հարցին՝ այս պահի դրությամբ որքա՞ն հաստիք է կրճատվել, քաղծառայության խորհրդի նախագահը դժվարացավ հստակ թիվ նշել:
Մանրամասները՝ տեսանյութում:
