Ford ամերիկյան ավտոարտադրողը մտադիր է իր առաջին լիովին ինքնակառավարվող ավտոմեքենան շուկա հանել 2021 թվականին: Այս մասին հայտնում են ավտոհսկայի ներկայացուցիչները:
Ինչպես նշել են կոնցեռնում, իրենց կողմից մշակվող անվարորդ ավտոմեքենաները կլինեն լիովին ինքնավար, դրանցում նախատեսված չեն ո՛չ ղեկ, ո՛չ էլ ոտնակներ: Ընդ որում սկզբում Ford-ը մտադիր է նման մեքենաներ տրամադրել տաքսիների հավաքակայաններին։ Մասնավոր անձանց այդ ավտոմեքենաների վաճառքը կոնցեռնը ծրագրում է կարգավորել ավելի ուշ:
Ford-ի ղեկավար Մարկ Ֆիլդսի խոսքով՝ ավտոկոնցեռնում նաև որոշում են ընդունել մինչև եկող տարվա վերջը կրկնակի՝ մինչև 300 մարդ ավելացնել անձնակազմի թվաքանակը Կալիֆոռնիայի հետազոտական կենտրոնում, որտեղ մշակումներ են կատարվում ինքնավար ավտոմեքենաների ստեղծման ոլորտում:
