Իրավապաշտպան կազմակերպություններ՝ Մարդու իրավունքների հարցերով լիգան և Հանուն մարդու իրավունքների միջազգային ֆեդերացիան մտադիր են այսօր հայց ներկայացնել համացանցային հաղորդակցությունների ոլորտում համաշխարհային հսկաների դեմ՝ ամերիկյան հատուկ ծառայությունների կողմից ցանցերում եվրոպացիների շփումների լրտեսման գործով: Այս մասին հայտնում է RIA Novosti-ն:
Ինչպես France Presse գործակալությանը հայտնել է գործով զբաղվող փաստաբաններից մեկը՝ Էմանուել Դաուդը, հայցը կներկայացվի անորոշ անձի դեմ՝ պարզելու, թե ինչպիսի դեր են խաղացել Microsoft-ը, Yahoo-ն, Google-ը, Paltak-ը, Facebook-ը, Youtube-ը, Skype-ը, AOL-ը և Apple-ը տվյալների հավաքման գործում:
Նա հավելել է, որ գործով կարող են անցնել այդ ընկերությունների՝ Ֆրանսիայում գրանցված դուստր ձեռնարկությունները:
