Ներդրումային հիմնադրամում կներդրվի 6 միլիարդ դոլար՝ հայտարարել է Վրաստանի գործընկերային հիմնադրամի փոխտնօրեն Գեորգի Բաչիաշվիլին: Այս մասին հայտնում է Trend գործակալությունը:
Նրա խոսքով՝ դա նշանակում է, որ հաջորդ 4 տարիներին Վրաստանի տնտեսությունում կներդրվի 10 միլիարդ դոլար:
Վրացական «Լիբերալ» թերթի տվյալներով՝ հիմնադրամը, որը պետք է գործեր 2012-ի վերջին, կարող է աշխատել սեպտեմբերին:
«Ներդրողների շարքում կլինի Բադրի Պատարկացիշվիլիի ընտանիքը, ինչպես նաև ԱՄԷ-ի երկու սուվերեն հիմնադրամներ, նաև հիմնադրամներ Ադրբեջանից և Ղազախստանից, մասնավոր ընկերություններ՝ Թուրքիայից, Ղազախստանից և Չինաստանից»,- ասել է Բաչիաշվիլին՝ նշելով, որ հիմնադրամի ֆինանսավորմանը կմասնակցի նաև Վրաստանի վարչապետ Բիձինա Իվանիշվիլին, ով կներդնի մոտ 1 մլրդ դոլար:
Ինչպես հայտնում է պարբերականը, սեպտեմբերից կսկսի գործել նաև սուվերեն հիմնադրամը, որը կստեղծվի գործընկերային հիմնադրամի հիման վրա և բյուջեի միջոցներով կֆինանսավորի խոշոր նախագծերը: Սուվերեն հիմնադրամի գործընկերը կլինի J.P. Morgan ներդրումային խումբը, որի բաժնետերերից մեկն էլ Իվանիշվիլին է:
