Դքսուհի Քեթրինի և արքայազն Ուիլյամի ապագա երեխան չնայած ռոք-աստղ չէ, բայց նրան նույնպես սպասվում է համաշխարհային շրջագայություն՝ ընդ որում՝ կյանքի հենց առաջին տարում: Հաղորդվում է, որ երեխան ծնողների հետ միասին կմեկնի համաշխարհային շրջագայության:
Տեղեկությունները, իհարկե, պաշտոնական չեն: Բայց ըստ ներքին աղբյուրների՝ առաջինը երեխայի հետ ծանոթանալու պատիվ կունենան Նոր Զելանդիայի և Ավստրալիայի բնակիչները: Ի դեպ, նույնպիսի շրջագայություն է իրականացրել ինը ամսական Ուիլյամը՝ մոր՝ արքայադուստր Դիանայի հետ:
Արքունիքի պաշտոնական ներկայացուցիչները լռություն են պահպանում:
Ի դեպ, միապետները որոշել են կիսվել իրենց երջանկությամբ: Նրանք հասկանում են երեխայի նկատմամբ մարդկանց ունեցած մեծ հետաքրքրությունը և համաձայնել են լուսանկարվել հիվանդանոցից դուրս գալու ժամանակ:
