1992 թ. կանաչապատմամբ զբաղվող ընկերության ստաժորը Արևելյան Գերմանիայի անտառներից մեկում նկատեց տանձենիներից «բաղկացած» մի սվաստիկա: Դրանից հետո նման սվաստիկաներ գտնվել են ինչպես այդ երկրի տարածքում, այնպես էլ դրանից դուրս: Դրանց գաղտնիքը, սակայն, պարզաբանված չէ:
Այդ հատվածը լավ տեսանելի էր, քանի որ այդտեղ, ի տարբերություն կանաչ սոճիների, խեժափիճիները, այսպես ասած, դեղնաշագանակագույն էին:
Ուկերմարկում արված այս աղմկահարույց լուսանկարները ստաժորը ցույց է տվել ընկերության տնօրենին:
Վերջիիս խնդրանքով տեղի անտառապահը չափագրել է ծառերը և եկել այն եզրահանգման, որ դրանք տնկել են 1930-ականներին: Իսկ այն փաստը, որ դրանք աննկատ էին մնացել, բացատրվում է նրանով, որ ծառերը երևում են միայն որոշակի բարձրությունից, իսկ ուղևորատար ինքնաթիռները շատ բարձր են թռչում, որպեսզի ուղևորները տեսնեն դրանք:
Երբ այս մասին լուրերը տարածվեցին, Գերմանիայի այն ժամանակվա նախագահ Ռոման Հերցոգը կարգադրեց կտրել այդ ծառերը: 1995 թ. կտրվեց 40 նման ծառ, և այդ մասին լուրերը լռեցին: 5 տարի անց, սակայն, 2000-ին, պարզվեց, որ անտառահատները կտրել են միայն նացիստական այդ նշանի ծայրերը:
Վախենալով, որ այդ վայրը կարող է նեոնացիստների համար ուխտավայր դառնալ՝ կառավարությունը կարգադրեց կտրել բոլոր խեժափիճիները, և էլի 25 ծառ:
Այս մասին հաղորդում է Spiegel-ը:
