Հոլիվուդյան դերասանուհի Նիկոլ Քիդմանը նկարահանվել է կոշիկի հայտնի Jimmy Choo բրենդի գովազդային հոլովակում:
Հոլովակում նա ոչ միայն ցուցադրում է կոշիկներ, այլև պատմում է այն մասին, թե որքան մեծ նշանակություն ունի կրունկն իր կյանքում, հայտնում է korrespondent.net-ը:
Դերասանուհու խոսքով՝ բարձրակրունկ առաջին կոշիկը ինքը ձեռք է բերել 16 տարեկանում: Այդ ժամանակից ի վեր իր մոտ չի մարում ավելի ու ավելի բարձր կրունկով կոշիկ ձեռք բերելու ցանկությունը:
Քիդմանը պնդում է, որ սիրում է բարձրակրունկներ, քանի որ դրանք իրեն ուժ ու սեքսուալություն են հաղորդում , կնոջը դարձնում են տղամարդկանց համար գրավիչ: «Ինձ դուր է գալիս սեքսուալ լինելը: Դա այնքան զվարճալի է»,- նշում է դերասանուհին:
Այն, որ Քիդմանը Jimmy Choo-ի նոր դեմքն է, հայտնի դարձավ 2013թ. մայիսին: Նա մասնակցել է բրենդի 2013-2014թթ. աշուն-ձմեռ հավաքածուի գովազդային արշավին:
Դերասանուհուն նկարահանել է լուսանկարիչ Միքայել Յանսոնը:
Jimmy Choo Nicole Kidman Autumn Winter 2013 Film from FASHIONIDE.COM on Vimeo.
