Իսրայելցի խորհրդարանականները 1 տարուց քիչ ժամանակում երկրորդ անգամ են երկարացրել ամառային ժամանակը՝ համաքաղաքացիներին նվիրելով «ցերեկային լույսի» հավելյալ ամիս: Այս մասին հայտնում է RIA Novosti-ն:
Անցած տարի երկիրը ձմեռային ժամանակի էր անցել սեպտեմբերի 23-ին՝ մեկ ամիս շուտ, քան Եվրոպան: Նոր օրենքի համաձայն, որի օգտին քվեարկել են 120 խորհրդարանականներից 73-ը, ժամերը կփոխվեն մեկ ամիս ուշ՝ հոկտեմբերի վերջին կիրակին:
Մեկնաբանելով որոշումը՝ վարչապետ Բենիամին Նեթանյահուն ասել է, որ դա կարևոր փոխակերպում էր, քանի որ ներկայում իրենց երկիրը հարուստ է կաթով, մեղրով, բնական գազով ու արևի լույսով:
Յոմ Կիպուրից առաջ վերջին կիրակին ձմեռային ժամանակի անցման նախկին պրակտիկան բացատրվում էր կրոնական կուսակցությունների շահերով: Մեկ ժամով կրճատելով ցերեկվա տևողությունը՝ կրճատվել էր հրեական խիստ ծոմի տևողությունը:
