Բրազիլիան ԱՄՆ-ի կողմից իր քաղաքացիներին լրտեսելու հարցը քննարկման կներկայացնի Մարդու իրավունքների հարցերով ՄԱԿ-ի հանձնաժողովում: Այս մասին հայտնել է նախագահ Դիլմա Ռուսեֆը՝ փոխանցում է KIMT TV-ն:
«Մենք մեր առաջարկությունը քննարկման կներկայացնենք Մարդու իրավունքների հարցերով ՄԱԿ-ի հանձնաժողովում, քանի որ հիմնարար պատվիրաններ են ինչպես խոսքի ազատության երաշխիքը, այնպես էլ անհատական իրավունքների երաշխիքը, առաջին հերթին՝ անձնական կյանքի գաղտնիության իրավունքը, որը երաշխավորվում է նաև մեր Սահմանադրությամբ»,-հայտարարել է Բրազիլիայի նախագահը:
Ավելի վաղ The Guardian-ը՝ հղում անելով ԿՀՎ նախկին աշխատակից Էդվարդ Սնոուդենի գաղտնազերծած փաստաթղթերին, հայտնել էր, որ ԱՄՆ-ը լրտեսում է Բրազիլիայի միլիոնավոր բնակիչների:
