Սադամ Հուսեյնի խորթ եղբայր Սաբավի Իբրահիմ Ալ-Հասանը, ով նախկինում ղեկավարել է Իրաքի անվտանգության ծառայությունը, մահացել է Բաղդադի հոսպիտալներից մեկում՝ քաղցկեղից, հաղորդում է Associated Press-ը:
Հուսեյնի տապալումից հետո Ալ-Հասանը փախել էր Սիրիա, սակայն Դամասկոսը նրան հանձնել էր Բաղդադին: Նրան մեղավոր են ճանաչել զանգվածային սպանություններին մասնակից լինելու մեջ և մի քանի անգամ դատապարտել են մահապատժի:
Երբ Ալ-Հասանի առողջական վիճակը վատացել է, նրան տեղափոխել են հիվանդանոց, որտեղ էլ մահացել է: Սաբավի Իբրահիմ Ալ-Հասանի աճյունը կհանձնեն հարազատներին:
