«Որևէ միջազգային կառույց կամ լրատվամիջոց դա չորակեց ահաբեկչություն: Չափազանց վտանգավոր, հակապետական, հակազգային բնորոշում է կատարվածը որակել որպես ահաբեկչություն»,- այս մասին այսօր հրավիրված մամուլի ասուլիսում ասաց քաղաքագետ Հայկ Մարտիրոսյանը՝ անդրադառնալով ՀՀ ոստիկանության ՊՊԾ գնդի շուրջ ստեղծված իրավիճակի վերաբերյալ Սերժ Սարգսյանի ելույթին:
Նրա խոսքով՝ եթե մի երկիր բախվում է ահաբեկչության փաստի հետ և դրան միջազգային լրատվամիջոցներն անդրադառնում են շուրջ երկու շաբաթ, ապա դա հարվածում է տվյալ երկրի տնտեսությանը՝ տուրիզմն ամենամեծ հարվածն է ստանում, վնաս է հասցվում նաև ներդրումներին: «Դու քո երկիրը տանում ես ռիսկի ներառվելու ցուցակներում, որոնք լավ չեն կարող անդրադառնալ ո՛չ քո, ո՛չ քո երկրի քաղաքացիների համար: Շատ քաղաքացիներ դիմելիս տարբեր դեսպանատներն կարող են խոչընդոտների հանդիպել»:
Քաղաքագետի գնահատմամբ՝ կատարվածը զինված ապստամբության ակտ էր՝ դասական իմաստով:
«Պետութան ղեկավարը փորձում է ցույց տալ, որ իր երկրում կատարվել է ահաբեկչություն: Այս դեպքում իշխանությունը անձնական շահը վեր է դասվում պետական շահից: Իշխանությունը դուրս եկավ շահած, բայց դա կարճատև շահում է, իշխանության այս հաղթանակը բերելու է իշխանության կործանման, որովհետև մենք տեսանք, որ որևէ հետևություն չի արվել: Արվել է մեկ հետևություն՝ պետք է ճնշել, որովհետև չպետք է թույլ տալ, որ ըմբոստության այլ դրսևորւմները լինեն»,- ասաց Հայկ Մարտիրոսյանը: Նրա դիտարկմամբ՝ իշխանությունների մոտ կա իրականությունից կտրված վիճակ:
Մանրամասները՝ տեսանյութում:
