Վառ գույները, ասիական շեշտադրությունն ու հետաքրքիր դետալները լինելու են կանանց նորաձևության «Գարուն-ամառ 2014» հիթերը, հայտնում է DW-ի ռուսական ծառայությունը:
Berlin Fashion Week-ի թրենդները:
Կանանց կոկետ զգեստները, ասիական նախշերը, կանացիությունն ընդգծող հագուստները լինելու են հաջորդ գարուն-ամառ սեզոնի հիթեր:
Ինչպես սխալներ թույլ չտալ զգեստապահարանի ընտրության հարցում ու ընտրել հագուստի այնպիսի մոդելներ, որոնք կլինեն ոչ միայն ոճային, այլև թույլ կտան թաքցնել կազմվածքի թերությունները։ Այս հարցում կօգնի Berlin Fashion Week-ը, որն անցկացվել է հունիսի 2-7-ը՝ Բեռլինում:
Գեյշայի ոճը դառնալու է հաջորդ ամառվա առանցքային ուղղություններից մեկը: Դիզայներները նախընտրությունը տալիս են վառ, հյութեղ գույներին, ու էկզոտիկ նախշերին:
Մետաքսե կիմոնո-բլուզի հետ հարմար կլինեն ֆուտուրիստական շալվարները, ջինսերը կամ ուլտրաժամանակակից գամմայով փայլուն փեշերը՝ լինեն դրանք կապույտ, վարդագույն թե մանուշակագույն, արծաթագույն կամ ոսկեգույն:
Նորաձև կլինեն նաև թափանցիկ բլուզներն ու կիսաթափանցիկ հագուստը։
2014 թ. ամառը կնշանավորվի 1960-ականներին նորաձև բավական տարածված սև-սպիտակ կամ սպիտակ-կապույտ նախշերով զգեստներով ու բլուզներով։
Դրանց հետ, որպես աքսեսուար, դիզայներները խորհուրդ են տալիս կրել կարմիր կամ դեղին գոտի, նույն գույնի ականջօղեր ու պայուսակ:
Ամենաթրենդային կոշիկը վառ նախշազարդ, կլոր քթով ու տափակ բալետկաներն են: Դրանք կարող են զարդարված լինել վառ ժապավենով կամ ճարմանդով:
Ոչ այնքան երկար ոտքեր ունեցողներին դիզայներները խորհուրդ են տալիս կրել նմանատիպ կոշիկները կարճ փեշերի կամ շորտերի հետ:
Ինչ կրել լողափին
Հաջորդ սեզոնի հիթը «բանդո» ոճի առանձին լողազգեստն է՝ առանց կապիչների ու ժապավենի: Ամենանորաձև պրինտը սաֆարին է:
Որ գույնը կլինի նորաձև
Ամենանորաձևը վառ նարնջագույնն է: Այն արդեն հիմա է միանգամայն հնարավոր համադրել վառ բորդո, անգամ ծովային ալիքի գույնի հետ:
Պակաս համարձակները կարող են սահմանափակվել ավելի հանգիստ համադրությամբ՝ նարնջագույնը սպիտակի կամ մուգ կապույտի հետ:
