Այսօր հրավիրված մամլո ասուլիսի ժամանկ «Ժառանգություն» կուսակցության առաջնորդ Րաֆֆի Հովհաննիսյանից լրագրողները հետաքրքվեցին, թե ինչու այս օրերին հարթակում չէ:
Այդ հարցի պատասխանը դեռ պետք է քննարկենք: Կարծում եմ՝ դուք մեզ կգտնեք ամենատարբեր հարթակներում, եթե խոսքը վերջին երկու օրվա մասին է, մեր ներկայացուցիչները կան: Դուք մեզ կտեսնեք տարբեր հրապարակներում, տարբեր քաղաքներում օգոստոս ամսվա ընթացքում: Ես կարծում եմ՝ Երևանում նույնպես կլինեն ակցիաներ, հրապարակը որևէ մեկի մենաշնորհը չէ»,- ասաց Հովհաննիսյանը: Նա նշեց, որ այս շաբաթվա ընթացում կսկսեն նաև խորհրդակցությունների շարք քաղաքական ու քաղաքացիական ուժերի հետ: «Զարուհին ասում է՝ մենք որոշենք ժառանգության համալիր ծրագիրը, նոր ելույթ ունենանք»,- նշեց Րաֆֆի Հովհաննիսյանը:
Զարուհի Փոստանջյանը հավելեց, որ իրենք փողոցում են ու ժողովրդի կողքին. «Երբ միաձայն որոշվեց, որ հակաճգնաժամային խորհուրդը չի գործում, ես կարծում եմ, դեռ շուտ էր, այն էլ միանձնյա, որովհետև խմբի անդամները դեռ ձերբակալված էին: Մեր ընկերների՝ Դավիթի և Արմենի հետ խորհրդակցություն անցկացնելու պահանջ ունենք, որից հետո այս երկու օրը պետք է ամեն դեպքում նոր փուլի մեջ մտնելու համար մշակած ծրագիր ներկայացնենք: Մենք մտնում ենք նոր փուլ, այդ փուլում հրապարակներում ենք: Բոլոր հրապարակները պետք է այսուհետ լինեն քաղաքական ծռերով լեցուն»:
Մանրամասները՝ տեսանյութում:
