Հայազգի աստղ Քիմ Քարդաշյանի ընկերը՝ ռեփեր Քանյե Ուեսթը, հերթական քայլն է կատարել նորաձևության աշխարհում: Եթե 2012-ի նրա դիզայներական դեբյուտը որևէ մեկին չի համոզել այդ ասպարեզում երգչի տաղանդի մասին, ապա նշենք, որ նա սկսել է համագործակցել ֆրանսիական A.P.C ապրանքանիշի հետ: Այս մասին հայտնում է The Huffington Post-ը:
Դեռևս անցած ամիս W Magazine-ը գրել էր այն մասին, որ հուլիսին Քանյեն A.P.C-ի հետ համագործակցության արդյունքում կներկայացնի ջինսե տղամարդկանց տաբատների, վերնաշապիկների, մարզաշապիկների հավաքածուն:
Ժան Տիտուի ապրանքանիշն այսօր առավոտյան Instagram-ում հաստատել է համագործացության լուրը՝ ներկայացնելով կապույտ տաբատ՝ A.P.C. KANYE պիտակով:
Հաղորդվում է, որ հավաքածուն կթողարկվի հուլիսի 14-ին:
