Թուրքական T24 առցանց թերթի փոխանցմամբ՝ հրապարակվել են Ազգային հետախուզական կազմակերպությունում (MIT) ակնկալվող բարեփոխումները:
MIT-ը պետք է բաժանվի երկու մասի՝ արտաքին ու ներքին հետախուզություն: Համապատասխան որոշումն ընդունվել է նախօրեին տեղի ունեցած Թուրքիայի կառավարության նիստի ժամանակ:
Բացի այդ, MIT-ի արտաքին հետախուզությունը կգտնվի Թուրքիայի նախագահի ենթակայության ներքո, իսկ ներքին հետախուզությունը՝ ոստիկանության ու ժանդարմերիայի:
Այս առումով որպես օրինակներ բերվում են ԱՄՆ-ը (CIA և FBI) և Մեծ Բրիտանիան (MI5 և MI6): Ընդ որում՝ ոստիկանությունը գործելու է քաղաքներում, իսկ ժանդարմերիան՝ գյուղերում:
Ավելի վաղ Թուրքիայի վարչապետ Բինալի Յըլդըրըմը հայտարարել էր, որ MIT-ում իրականացվելու են մի շարք բարեփոխումներ:
