«Ներքին արյունահոսություն կար և վտանգ կար, որ եկրորդ աչքը նույնպես կվնասվի, դրա համար շատ շտապ վիրահատություն կատարվեց և աչքը հեռացվեց»,-«Առաջին լրատվական»-ի հետ զրույցում պատմեց երեկ գիշեր ոստիկանական գործողությունների հետևանքով աչքը կորցրած Սայաթ Հարությունյանի հորեղբայրը։
Նրա խոսքով աչքը հեռացվելու որոշում է կայացվել նաև նրա համար, որ հետագայում պրոթեզավորելու հնարավորություն լինի։ Հերեղբայրը պատմեց, որ բժշկի հորդորով Սայաթին դեռ չեն ասել իր վիճակի մասին։ Ասեմ են, որ վիրահատություն է կատարվել, լավ կլինի, որպեսզի տղան շոկային վիճակում չհայտնվի։ «Բայց այսօր առավոտյան երեխան ասեց, որ պետք չէ իրենից թաքցնել, ինքը շատ լավ գիտի, որ աչքը հեռացվել է»։
Հորեղբայրը պատմեց, որ Սայաթը իրենց հյուր է եղել Սարի թաղ։ Եվ քանի որ տրանսպորտ չի աշխատում, ոտքով է բարձրացել և հայտնվել է ժողովրդի մեջ։ «Ասում է, լույսեր վառվեց, ինչ որ բան պայթեց ու ես հայտնվեցի գետնին»,-ասաց հորեղբայրը։
Առավել մանրամասն՝ տեսանյութում
