Ինչպես հաղորդում է «Ամերիկայի ձայնը», Լիբիայի կառավարության ղեկավար Բաղդադի Ալի Ալ-Մահմուդին ՄԱԿ-ի ներկայացուցչի հետ Տրիպոլիում մայիսի 15-ին հանդիպումից հետո հայտարարել է, որ իրենք պատրաստ են հրադադար հայտարարել, որի դիմաց ՆԱՏՕ-ն պետք է դադարեցնի ռմբակոծությունը:
CNN-ի փոխանցմամբ, Լիբիայի ներկայիս իշխանությունները խնդրել են ՄԱԿ-ին դիտորդներ ուղարկել երկիր: Փոխարտգործնախարար Խալիդ Քայիմն ասել է, որ իրենք նամակներ են ուղարկել ՄԱԿ-ի ԱԽ անդամներին, որոնցում ներկայացրել են «ՆԱՏՕ-ի սադրանքները»:
Լիբիայի պաշտոնյայի խոսքերով, իրենք կանտեսեն նաև այն փաստը, որ Հաագայի միջազգային քրեական դատարանը Լիբիայի պաշտոնյաներին վերջին ամիսներին սեփական ժողովրդի դեմ գործած հանցանքների համար ձերբակալելու և պատասխանատվության ենթարկելու սանկցիաներ է ներկայացնելու:
