Եգիպտոսի բանակի կողմնակիցները «Մուսուլման եղբայրներին» հետ են մղել Կահիրեի կենտրոնից՝ Թահրիր հրապարակից, Նեղոսի ափին գտնվող հեռուստաընկերության շենքի մերձակայքից: Այս մասին հաղորդում է Ria Novosti-ն:
Երկու կողմերի միջև բախումները սկսվել են նախագահ Մուրսիի կողմնակիցների և հակառակորդների զանգվածային ցույցերից հետո:
Ավելի վաղ իսլամիստները՝ ոգեշնչված Մուհամմադ Բադիի ելույթից, դեպի կենտրոն են ուղղվել՝ ազատելու այն իրենց հակառակորդներից: Նրանք ցանկացել են ազատել նաև Թահրիր հրապարակը և հեռուստաընկերության շենքը, սակայն բախվել են եգիպտական բանակի կողմնակիցներին և լիբերալ ընդդիմությանը:
Ձերբակալված է «Մուսուլման եղբայրների» ղեկավարի տեղակալ Հեյրադ Ալ-Շատիրը: Կահիրեում իսկական փողոցային մարտեր են սկսվել: Հակամարտող 2 կողմերը միմյանց ուղղությամբ քարեր են նետել, կիրառվել են ռետինե մահակներ և սառը զենք, լսվել են նաև հրազենային կրակոցներ:
Քաղաքում անկարգությունների ավարտից հետո զրահատեխնիկա է բերվել, որին Մուրսիի հակառակորդները հիացմունքով են դիմավորել:
