Եգիպտոսում թվով երկրորդ իսլամիստական «Ան-Նուր» կուսակցությունը համաձայնել է Եգիպտոսի զինուժի առաջարկած՝ քաղաքական ճգնաժամից դուրս գալու միջոցառումների հետ: Այս մասին հաղորդում է Reuters գործակալությունը:
«Մենք այդ դիրքորոշումն ենք գրավել և այդ որոշումն ընդունել միայն երկրում արյունահեղությունը դադարեցնելու համար»,- ասել է կուսակցության գլխավոր քարտուղար Գալյալ Մուրան:
Նշենք, որ 2012թ.-ին տեղի ունեցած խորհրդարանական ընտրությունների ժամանակ «Ան-Նուրը» ստացել է ձայների ավելի քան 20 տոկոսը՝ զիջելով միայն «Մուսուլման եղբայրների» «Ազատություն և արդարություն» կուսակցությանը:
Զինուժին աջակցել են նաև ղպտիների եկեղեցու պատրիարք Թեոդորոս 2-րդը և «Ալ-Ազհար» հայտնի իսլամական համալսարանի շեյխ Ահմեդ աթ-Թեյիբը:
