Իսպանիայում ավարտվել են գրող Պաուլո Կոելյոյի կյանքի մասին գեղարվեստական ֆիլմի նկարահանման աշխատանքները, հաղորդում է Screen Daily-ն:
«Պիլիգրիմ. Պաուլո Կոելյոյի լավագույն պատմությունը» (The Pilgrim: The Best Story of Paulo Coelho) ֆիլմը էկրան կբարձրանա 2014թ. առաջին կեսին:
«Դա լինելու է ֆիլմ երազողի մասին, որը ինչպես Ալիսան հրաշքների աշխարհում, շատ մեծ է իր տան համար»,- պատմել է ֆիլմի պրոդյուսեր Իոնա դե Մասեդոն:
Ինչպես հաղորդվում է, սցենարիստ Կարոլինա Կոչոն ֆիլմի սյուժեն կառուցել է գրողի հետ զրույցների հիման վրա: Անձամբ գրողը ֆիլմում կներկայացվի ինչպես երիտասարդ, այնպես էլ հասուն տարիքում:
Ֆիլմի արտադրությամբ զբաղվում են Բրազիլիայի ու Իսպանիայի ստուդիաները, այդ իսկ պատճառով ֆիլմի նկարահանումները կատարվել են նախ՝ Ռիո դե Ժանեյրոյում, ապա իսպանական Սանտյագո-դե-Կոմպոստելա քաղաքում:
Կոելյոն բրազիլացի հայտնի արձակագիր է ու պոետ, նրա գրչին են պատկանում «Ալքիմիկոսը», «Վերոնիկան որոշել է մեռնել» վեպերը: Նա մոտ 150 գրքի հեղինակ է, ստացել է մոտ 25 միջազգային մրցանակ:
