1883թ. այս օրը Պրահայում ծնվել է գրող Ֆրանց Կաֆկան: Ի պատիվ գրողի ծննդյան օրվա՝ Google-ի տարբերանշանի տառերը վերածվել են Կաֆկայի վեպերի նկարազարդումների՝ մոխրագույն, շագանակագույն, տագնապալի:
Բոլոր նրանք, ովքեր ծանոթ են Կաֆկայի ստեղծագործություններին, առանց դժվարության կկռահեն և՛ «Կերպարանափոխություն» վեպի զզվելի խավարասերին, և՛ «Ամրոց»-ի խորհրդավոր լաբիրինթոսները, և՛ «Պրոցես»-ի անելանելի դրության ընդհանուր զգացումը:
Կաֆկայի ստեղծագործությունների մեծ մասը հրապարակվել է հետմահու: Կենդանության օրոք նա հրապարակել է միայն կարճ պատմվածքներ, որոնք չեն ըմբռնել ո՛չ քննադատները, ո՛չ հասարակությունը:
