Սոցիալական ցանցերում ստորագրահավաք է սկսվել 18-ամյա Վալերյա Ցուրկանին «Միսս Մոլդովա-2013» տիտղոսից զրկելու համար, ով ծնունդով Տիրասպոլից է: Այս մասին հաղորդում է Adevarul ռումինական պարբերականը:
Նախաձեռնության կազմակերպիչների կարծիքով՝ Ցուրկանն իրավունք չուներ մասնակցելու գեղեցկության մրցույթին, քանի որ չի տիրապետում պետական լեզվին և Ռուսաստանի բնակչուհի է: Ներկայումս yousign.org կայքում հավաքվել է մոտ 3.8 հազար ստորագրություն:
Դեռևս Քիշնևում մայիսի վերջին տեղի ունեցած «Միսս Մոլդովա-2013» մրցույթի եզրափակչում հանդիսատեսը նկատել է, որ հաղթողը մոլդովերեն չգիտի: Շատերը աղջկան նաև «դավաճան» են անվանել և հայտարարել, որ նրա հաղթանակը «Մոսկվան է գնել»:
